Wellkomme bi mim chline Mehigo Blog. Nach vielfachem Wonsch (ned nor vomene Einzelne :o)) han ich mech doch no choenne dorerenge, es chliises Reisetagebuech vo mim Mexikotrip of d'Bei z'stelle. Ich werde versueche, do in einigermasse regelmaessige Abstaend s'eint oder andere Erlaebnis id Schwiiz z'brechte ond es paar Foeteli ufezlaade.Am 13.12 goht min Flog via Paris nach Mexico City. Dete gohts de nach einere Nacht uufenthalt grad wiiters nach Oaxaca wo ich zwe Woche bire Gastfamilie werde wohne ond e Sprochschuel bsueche (Solexico) ond mini erschte Gehversuech met Spanisch woge. Wenn ich mech denne dere Sproch bemaechtigt han, gohts foer guet e Woche entlang vo de Sierra Madre del Sur *singfuerzuegschwingsing* an Strand. In Surfers Paradise "Puerto Escondido" lömmer de d'Korke knalle am Silvester. De wiiteri Verlauf wie er im Momaent vorgseh esch hani do of d'Charte pappt.
Soviel mol zom erschte Iitrag, de noechscht gets denne hoffentli scho bald us Mexico. Foer alli wo meh waend woesse oeber Mexico oder wo ich de grad werde sii, fende im Mexico-Lexikon e huufe Infos.
Hasta la proxima, Teddiñho ;-)
